Posts

Showing posts from September, 2023

Jagdambe Araj Sun Ambe Lyrics

🙏जय माँ भगवती करणी 🙏 =====🌷चिरजा🌷===== तर्ज बनवारी बतादे कुण मारी  जगदम्बे अर्ज सुण अम्बे भजूं माँ भूजलम्बे  राखिजै सिर पै हाथ यै,, मैया सुणजै म्हारै मनडे़ री बात ये गाँव सुवाप घर सासरो साठिकै धाम सजायो देशाणै। महिमा छाई माँ मेहाई  जननी आखो जग जाणै दुनिया आवै धोक लगावै गुण गिरजा रा गावै दर्शण दिज्यो जगदम्बे सुध लिज्यो सदांई रिज्यो साथ यै,,,मैया स,,, मेहदूलारी तूँ महतारी घण परिवारी उपकारी बैठ्यो तो ये अम्बै आप भरोसे झगडू ज्यूँ तरणी त्यारी किरपा करदे ऐसो वरदे लाज राख रखवारी। विरद विचारो दर्द दुख टारो  सुधारो बिगडी़ बात ये।। ब्रह्म उपाया जगत बसाया सृष्टि रचावत तूँ सारी सुर नर ध्यान धरत सेवा में निवें निरंतर नर नारी नारद सारद नाम रटे नित आरत इंद्र उच्चारी। सकलाई दशो दिश छाई  बडी़ है करामात ये शेख छूडावण सिंध सिधाई चील बणी उड़ नभ चाली सापूं पुकार करी संकट में दौड़त आई डाढा़ली सुरभि घेर लाई घर सांप्रत दुष्ट मार दोऊं डारी। अवतारी आवड देह दुजी धारी  जगत में विख्यात ये भीड़ पडन्ता भगत बुलावै आय उबारै अगवाणी रक्षा मात रात दिन राखै संकटमोचन सुरराणी कान सुणै करुणा ...